冯盈盈、郑衍峰呢对绯闻男女，打死唔认拍拖，继在《后生仔倾吓偈》拍住拖开工之后，在无线《星光熠熠耀保良》中合体表演，访问时更公然打情骂俏，冯盈盈自爆最近跟身兼健身教练的郑操练蜜桃臀，却被对方当面狠批pat pat：唔够翘﹗见冯盈盈扁晒嘴，郑衍峰改口大赞冯盈盈斋睇样都99分﹗ 和气收场﹗
冯盈盈和绯闻男友郑衍峰为慈善表演跳舞，不过全程保持社交距离，被指劲hea。 冯盈盈笑指若有善长人翁出高价，唔介意跳贴身舞。
26岁冯盈盈和29岁绯闻男友郑衍峰多次被断正返女方香闺，座驾又任男友揸，冯盈盈更已融入男方朋友堆中，虽然死口唔认拍拖，不过公然寓工作于拍拖亦毫不避忌，近月孖住主持《后生仔倾吓偈》，主动爆料唔介意成为话题。在《星光熠熠耀保良》中更被安排表演跳舞，虽然表演时毫不亲密又hea爆，不过大方合体接受访问，不避嫌互窒打情骂俏﹗
冯盈盈为《保良骚》担任司仪，同时又要兼顾网上直播节目，故同绯闻男友郑衍峰有不少合体机会。
冯盈盈自爆近来正跟身兼健身教练的郑衍峰操蜜桃臀，访问时被问到操练成果如何，郑衍峰当面话冯盈盈坚懒，被问到觉得冯盈盈臀部是否唔够翘？郑衍峰口快快话唔够翘，又话：一定唔够翘㗎，所有人都唔够，永远都有进步空间㗎﹗眼见冯盈盈冇晒表情仲未知衰继续踩多脚：你问我自己臀部系咪标准？咁就一定唔标准，因为男仔操埋脚太大着唔到窄身牛仔裤，所以我唔系标准，但女士个臀部呢，系非常之需要慨。被不留情面狠批的冯盈盈点头：知道﹗我会继续努力啰﹗认唔认同渠讲？梗系认同啦，永远都有进步空间。
冯盈盈被郑衍峰爆懒做运动，又狠批pat pat唔够翘，一直揿住度火，保持笑容，及后笑住反击：我唔会唔开心，渠慨要求同标准系专业model级，所以so far渠识慨人里面应该冇去到呢个level啰﹗所以我冇唔开心，因为我知渠慨level系好离地慨﹗我惟有继续努力啦﹗
当记者问郑衍峰对冯盈盈的身材评分时，冯盈盈大叫：哗﹗好残酷呀﹗郑衍峰终于知衰：99分啦，100分满分，香港小姐冠军喎，99分系个样度﹗操唔到个样㗎嘛﹗（其他方面零分？）另外嗰啲零分啰﹗被赞样有99分之高，冯盈盈明显相当受落，反畀郑衍峰呢个教练100分﹗ 冯盈盈：系我拣慨，如果我都唔肯定渠，我咪即系质疑紧自己？呢句话似乎语带双关喎﹗
