馮盈盈、鄭衍峯呢對緋聞男女，打死唔認拍拖，繼在《後生仔傾嚇偈》拍住拖開工之後，在無線《星光熠熠耀保良》中合體表演，訪問時更公然打情罵俏，馮盈盈自爆最近跟身兼健身教練的鄭操練蜜桃臀，卻被對方當面狠批pat pat：唔夠翹﹗見馮盈盈扁曬嘴，鄭衍峯改口大讚馮盈盈齋睇樣都99分﹗ 和氣收場﹗
馮盈盈和緋聞男友鄭衍峯為慈善表演跳舞，不過全程保持社交距離，被指勁hea。 馮盈盈笑指若有善長人翁出高價，唔介意跳貼身舞。
26歲馮盈盈和29歲緋聞男友鄭衍峯多次被斷正返女方香閨，座駕又任男友揸，馮盈盈更已融入男方朋友堆中，雖然死口唔認拍拖，不過公然寓工作於拍拖亦毫不避忌，近月孖住主持《後生仔傾嚇偈》，主動爆料唔介意成為話題。在《星光熠熠耀保良》中更被安排表演跳舞，雖然表演時毫不親密又hea爆，不過大方合體接受訪問，不避嫌互窒打情罵俏﹗
馮盈盈為《保良騷》擔任司儀，同時又要兼顧網上直播節目，故同緋聞男友鄭衍峯有不少合體機會。
馮盈盈自爆近來正跟身兼健身教練的鄭衍峯操蜜桃臀，訪問時被問到操練成果如何，鄭衍峯當面話馮盈盈堅懶，被問到覺得馮盈盈臀部是否唔夠翹？鄭衍峯口快快話唔夠翹，又話：一定唔夠翹㗎，所有人都唔夠，永遠都有進步空間㗎﹗眼見馮盈盈冇曬表情仲未知衰繼續踩多腳：你問我自己臀部系咪標準？咁就一定唔標準，因為男仔操埋腳太大着唔到窄身牛仔褲，所以我唔系標準，但女士個臀部呢，系非常之需要慨。被不留情面狠批的馮盈盈點頭：知道﹗我會繼續努力囉﹗認唔認同渠講？梗系認同啦，永遠都有進步空間。
馮盈盈被鄭衍峯爆懶做運動，又狠批pat pat唔夠翹，一直撳住度火，保持笑容，及後笑住反擊：我唔會唔開心，渠慨要求同標準系專業model級，所以so far渠識慨人裏面應該冇去到呢個level囉﹗所以我冇唔開心，因為我知渠慨level繫好離地慨﹗我惟有繼續努力啦﹗
當記者問鄭衍峯對馮盈盈的身材評分時，馮盈盈大叫：譁﹗好殘酷呀﹗鄭衍峯終於知衰：99分啦，100分滿分，香港小姐冠軍喎，99分系個樣度﹗操唔到個樣㗎嘛﹗（其他方面零分？）另外嗰啲零分囉﹗被贊樣有99分之高，馮盈盈明顯相當受落，反畀鄭衍峯呢個教練100分﹗ 馮盈盈：系我揀慨，如果我都唔肯定渠，我咪即系質疑緊自己？呢句話似乎語帶雙關喎﹗
